50.00 TMT
Işleýiş Mehanizmi:
Ortasyndaky aýlanýan giň tigirçek matanyň üstünden gysyp rolling (togarlanma) hereketini edýär.
Yzyndaky uly prujina dabanajygyň çeýeligini sazlaýar. Mata galyňlaşan ýerinde dabanajyk ýokary göterilip, bökdençsiz we tikin ädimini kiçiltmän geçip bilýär.
Ulanylyş Ýerleri:
Trikotaž we Streç (Rezinli çeýe matalar): Adaty daban trikotaž matany yzyna çekip, tikiniň eglip-gyşarmagyna ýa-da ýüplügiň üzülmegine sebäp bolýar. Bu tigirçek bolsa matany gypjartman, deňölçegli öňe sürýär.
Ýuka we Ýumşak Emeli Deri / Lakly Deriler: Ýüzi ýalpyldawuk (lakly) matalar adaty dabana ýapyşyp galýar. Bu giň tigirçek bolsa lakly ýüze zeper ýetirmän arassa tikýär.
Ploşewka, Ýagyşlyklar we Kurtka matalary: Suw geçirmeýän sypzyk we ýeňil matalary gatlak-gatlak edip tikeniňizde, gatlaklaryň biriniň öňe süýşüp fasony bozmagynyň öňüni alýar.
